सुर्खेत । कर्णालीमा कोरोना संक्रमण दिनानुदिन बढ्दै गइरहेका छन् । शनिबार दिनसम्म कोरोना कर्णालीमा कोरोना संक्रमितको संख्या पाँच हजार बढी पुगेको छ । कोरोना संक्रमणका कारणले मृत्यु हुनेको संख्या १३ पुगेको छ । कोरोना संक्रमणका बिरामीलाई उपचार गर्ने राम्रो भेन्टिलेटर र आइसियुको अभाव भएको प्रदेशका जनप्रतिनीधिहरुले भने दशै तिहारको भत्ता वापत लाखौ रकम बुझेका छन् ।
अलि गरिबी र विपन्न प्रदेशको परिचय पाएको कर्णालीमा  विश्वभरि महामारीका रूपमा फैलिएको कोरोना भाइरसका कारण गरिब र विपन्न साँझबिहान छाक टार्नै समस्या छ । तर, कर्णाली प्रदेशका सांसद र उनीहरुका स्वकीय सचिवलाई कर्णाली प्रदेशसभा सचिवालयले चाडपर्व खर्च भन्दै ठूलो रकम वितरण गरेको छ ।
कर्णाली प्रदेशमा प्रदेशसभा सचिवालयले सभामुखलाई ५३ हजार, उपसभामुख र विपक्षी दलका नेतालाई ५०÷५० हजार, सत्तापक्षका प्रमुख सचेतक, सचेतक, प्रतिपक्ष दलका सचेतक र संसदीय समितिका सभापतिलाई ४८÷४८ हजारका दरले चाडवाड खर्च वितरण गरिएको संसद सचिवालयले जनाएको छ ।
त्यस्तै, कर्णालीमा चारवटा संसदीय समिति, २४ जना सांसदलाई प्रतिसांसद ४५ हजार रूपैयाँका दरले चाडपर्व खर्च दिइएको छ ।
सभामुख, उपसभामुख र विपक्षी दलका नेताका स्वकीय सचिवलाई प्रतिव्यक्ति ३५ हजार नौ सय ९० रूपैयाँ, प्रदेश सांसदका ३१ जना स्वकीय सचिवले २८ हजार दुईका दरले ८ लाख ७४ हजार दुई सय रूपैयाँ वितरण गरिएको प्रदेशसभा सचिवालयले जनाएको छ ।
कोरोना महामारी संकटको बेलामा पनि चाडवाड खर्च भनेर प्रदेशसभा सचिवालयले सभामुख, उपसभामुख र विपक्षी दलका नेताका स्वकीय स्वकीय सचिवलाई पनि २८ लाख ८९ हजार पाँच सय १० रूपैयाँ वितरण गरेको छ ।
प्रदेशसभा सचिवालयले उनीहरुको खातामा रकम जम्मा गर्न गर्न प्रदेश लेखा समितिलाई पत्र पठाई सकिएको प्रदेशसभा सचिवालयका लेखा अधिकृत यामबहादुर बिसीले जानकारी दिए ।
कर्णालीका प्रदेशसभाका ४० जना सांसदहरुमध्ये कोरोना संक्रमणको महामारीका बेला चाडपर्व खर्च नलिने भनेर कसैले संसद सचिवालयलाई जानकारी गराएका छैनन् ।
कानुन सम्वत नै वितरण गरिएको होः प्रदेशसभा सचिव
कर्णाली प्रदेशसभाका सचिव जीवराज बुढाथोकीले कानुन अनुसार नै कर्णाली प्रदेशसभाका सदस्यहरुलाई चाडपर्व खर्च दिइएको बताए ।
बुढाथोकीले चाडपर्व खर्च उपलब्ध गराउने कानुन बनेको त्यही अनुसार प्रदेशसभा सदस्यको खर्च वितरण गरिएको जानकारी दिए ।
नागरिकमाथिको अपमान होः साझा पार्टी
यस्तो संकटका बेला जनतालाई दसैं खर्चको प्याकेज ल्याउनुको साटो आफैँ चाडपर्व खर्च लिनु सांसदहरूको गैरजिम्मेवारीपन भएको साझा नेपाल पार्टीका कर्णाली प्रदेश इन्चार्ज गेहेन्द्रप्रसाद दाहालले बताए ।
कर्णाली प्रदेशसभामा रहेकाले सांसदहरु नागरिक प्रति जिम्मेवार नभएको कवि लेखनाथ पौडेल ‘मै खाउ मै लाउ शुख सयल मोज म गरु, मै वाँचु मै नाचु अरू सव मरुन् दुर्वलहरु’ भने जस्तै भएको दाहालले आरोप लगाए ।
सांसदहरुले नियमित तलब बुझ्ने गरेको कोरोना संकटका बेला दशैं प्याकेज ल्याउनु पर्नेमा सांसदहरु चाडपर्व खर्च दुभाग्र्य भएको दाहालले बताए । ‘जनतामुखी सरकार हो भने गरिब, निमुखा जनताका लागि दसैं प्याकेज कार्यक्रम ल्याओस् ।’ उनले भने, ‘नागरिकहरुले तिन महिनामा खान पाएका छैनन् । तर, सांसदहरुले यसरी रकम लिनु गलत हो ।’