सुर्खेत । कर्णाली प्रदेशमा हालसम्म कै बढी संख्यामा कारोना संक्रमित थपिएका छन् । मंगलबार पछिल्लो २४ घण्टामा १८१ जनामा कोरोना पुष्टि भएको हो ।
कर्णाली स्वास्थ्य विज्ञान प्रतिष्ठान जुम्ला, प्रदेश अस्पताल÷पशुपंन्छी रोग अन्वेषण प्रयोगशाला सुर्खेत, कमल बजार नगरपालिका प्रयोगशाला अछाममा र चौरजहारी नगपालिकाको पिसिआर मेसिन रुकुमपश्चिममा गरिएको परीक्षणमा १८१ जनामा कोरोना संक्रमण पुष्टि भएको हो ।
कर्णाली स्वास्थ्य विज्ञान प्रतिष्ठान जुम्ला गरिएको परीक्षणमा २० जना, प्रदेश अस्पताल÷पशुपंन्छी रोग अन्वेषण प्रयोगशाला सुर्खेतमा गरिएको परीक्षणमा १३४ जना, कमल बजार नगरपालिका प्रयोगशाला अछाममा गरिएको परीक्षणमा १ जना, चौरजहारी नगपालिकाको पिसिआर मेसिन रुकुमपश्चिममा गरिएको परीक्षणमा १ जना र जिल्ला अस्पताल दैलेखमा गरिएको परीक्षणमा २५ जनामा कोरोना संक्रमण पुष्टि सामाजिक विकास मन्त्रालयले जनाएको छ ।
कोरोना पुष्टि हुनेमा कालिकोटका १५, जुम्लाका ४, दैलेखका २५, सुर्खेतका १०१, सल्यानका २ जना, हुम्ला २ जना, मुगु जाजरकोट र रुकुमपश्चिमका १÷१ जनामा कोरोना पुष्टि भएको छ । त्यस्तै मंगलबार कोरोना पुष्टि हुनेमा अन्य प्रदेशका १४ जना रहेको कर्णाली प्रदेश सामाजिक विकास मन्त्रालयका स्वास्थ्य शिक्षा अधिकृत नवराज कँडेलले बताए ।
कर्णालीमा योसँगै कोरोना पुष्टि हुनेको संख्या ५३५१ पुगेको छ ।
त्यस्तै कर्णालीमा पछिल्लो २४ घण्टामा बिभिन्न अस्पताल तथा आइसोलेसनबाट १०१ जनामा कोरोना संक्रमण निको भएर डिस्चार्ज भएका छन् । योसँगै कर्णालीमा कोरोना संक्रमण निको हुनेको संख्या ३९८५ पुगेको छ ।