सुर्खेत । डोल्पा हेलिकप्टरमार्फत उद्दार गरिएका कोरोना संक्रमितको उपचार क्रममा मृत्यु भएको छ । पुष १८ गते कोरोना संक्रमणको पुष्टि भएपछि हेलिकप्टरमार्फत उद्दार गरी काठमाडौँस्थित ह्याम्स अस्पताल उपचारका उनको मृत्यु भएको हो ।
डोल्पा स्रोतका अनुसार मृतक आँधीखोला गाउँपालिका–५ स्याङ्गजा निवासी ५१ वर्षीया रहेको उनी डोल्पामा शिक्षण पेशामा संग्लन रहेका थिए ।
ह्याम्स अस्पताल स्रोतका अनुसार सिटी स्क्यान गर्दा मस्तिष्कमा रक्तसंचालन नभएको पाइएको, उनको दुनै डोल्पामा स्वाब संकलन भई पुस १४ गते प्रदेश अस्पताल र पशुपन्छी रोग अन्वेषण प्रयोगशाला, सुर्खेतबाट कोभिड १९ संक्रमण पुष्टि भएको थियो ।
पृष्टि भएकै दिनदेखि होम आइसोलेसनमा बसेका उनलाई पुस १६ गते दिउँसो टाउको दुख्ने, वान्ता आउने तथा चक्कर लाग्ने समस्या भएपछि डोल्पा जिल्ला अस्पतालमा भर्ना गरिएको कर्णाली प्रदेश सामाजिक विकास मन्त्रालयले जनाएको छ ।
योसँगै कर्णाली प्रदेशमा कोरोना संक्रमण मृत्यु हुनेको संख्या २७ पुगेको कर्णाली प्रदेश सामाजिक विकास मन्त्रालयअन्र्तगत स्वास्थ्य सेवा महाशाखाले जनाएको छ ।